அறிவியல் கண்காட்சியில் வென்ற பள்ளி மாணவிக்கு பாராட்டு
கும்பகோணத்தில் அண்மையில் நடைபெற்ற அறிவியல் தொழில்நுட்பக் கண்காட்சியில் முதல் பரிசு பெற்ற அரியலூர் கீழப்பழுவூர் அருணாச்சலா மெட்ரிக். பள்ளி மாணவி கௌரவிக்கப்பட்டார்.
கும்பகோணம் அரசு பொறியியல் கல்லூரியில் அறிவியல் தொழில்நுட்பக் கண்காட்சியில் அண்மையில் நடைபெற்றது. இதில், கலந்து கொண்ட அரியலூர் மாவட்டம் கீழப்பழுவூர் அருகேயுள்ள அருணாச்சலா மெட்ரிக். பள்ளி 8 ஆம் வகுப்பு மாணவி கு. தாரா ஸ்ரீ முதல் பரிசு பெற்றார். மேலும் அவர்,
இஸ்ரோ விண்வெளி மையத்துக்கு செல்வதற்கு தேர்வு செய்யப்பட்டார். தொடர்ந்து மாணவி தாரா ஸ்ரீ, தனது பரிசு, கேடயத்தை மாவட்ட முதன்மைக் கல்வி அலுவலர் புகழேந்தி, பள்ளி தாளாளர் டி. அருணாச்சலம் மற்றும் ஆசிரிய, ஆசிரியைகளிடம் காண்பித்து பாராட்டு பெற்றார்.
