ஆலந்துறையார் கட்டளை டாட் காம் சார்பாக அனைவரையும் அன்புடன் அழைக்கிறோம் - அஷ்டபந்தன மகா கும்பாபிஷேகம் பத்திரிகை

சோழ வளநாட்டில் பல ஆறுகள் உள்ளன. அவற்றில் முக்கிய நதியான மருதையாற்றின் தெற்கே கொள்ளிடத்திற்கு வடக்கே அமைந்துள்ள ஆலந்துறையார் கட்டளை என்னும் புண்ணிய ஸ்தலத்தில் எழுதருளி தன்னை வணங்குபவர்க்கெல்லாம் அருள்பாலித்து வரும் அருள்மிகு. மகா கணபதி, அருள்மிகு பாலமுருகன், அருள்மிகு மாரியம்மன், அருள்மிகு திரெளபதையம்மன், அருள்மிகு காளியம்மன் மற்றும் ஏனைய பரிவார கோவில்கள் இயற்கை சீற்றங்களால் சிதிலம் அடைந்ததை ஊர்பொதுமக்களும் ஆண்மீக அன்பர்களும் புதுபித்து எதிர்வரும் மங்களகரமான ஸ்ரீஜய வருடம் ஆவணி மதம் 15ஆம் நாள் 31-08-2014 ஞாயிற்று கிழமை ஷஷ்டி திதியும் ஸ்வாதி நட்சத்திரம் கூடிய சுபயோக சுபதினத்தில் காலை 8:30 மணிக்கு மேல் 10:00 மணிக்குள் துலா லக்கனத்தில் அஷ்டபந்தன மகா கும்பாபிஷேகம் நடைபெறவுள்ளதால் சமுதாய மக்களையும், ஆன்மீக நண்பர்களையும், உறவினர்களையும் பெருந்திரளாக  கலந்துகொண்டு இறைவன் திருவருளை பெற்று இப்பிறவியின் பயனை அடையுமாறு ஆலந்துரையர் கட்டளை & சிறுதொண்டான் காணி கிராம பொதுமக்கள், கிராம நாட்டாண்மைகள், கிராம முக்கியஸ்தர்கள் மற்றும் கிராம இளைஞர்கள் அனைவரின் சார்பில் அன்புடன் அழைக்கிறார்கள்.

 

பேருந்து வசதி அரியலூர்/கீழப்பழுவூர் இருந்து சுண்டக்குடி செல்லும் பேருந்துகள், வி. கைகாட்டியில் இருந்து ஏலக்குருச்சி செல்லும் பேருந்துகள், ஏலக்குருச்சி இருந்து வி. கைகாட்டி செல்லும் பேருந்துகள்.

 

ஆலந்துறையார் கட்டளை டாட் காம் சார்பாக அனைவரையும் அன்புடன் அழைக்கிறோம்.

தொழில்முனைவோர் கடன் பெற விண்ணப்பிக்கலாம்

தொழில்முனைவோர் கடன் பெற விண்ணப்பிக்கலாம்

By அரியலூர்,

First Published : 04 August 2014 05:17 AM IST

அரியலூர் மாவட்டத்தில் பிரதம மந்திரியின் வேலைவாய்ப்பு உருவாக்கும் திட்டத்தின் கீழ் தொழில் முனைவோர் கடன் பெற அழைப்பு விடுக்கப்பட்டுள்ளது.

இதுகுறித்து மாவட்ட ஆட்சியர் வெளியிட்ட செய்திக்குறிப்பு:

இத்திட்டத்தின் கீழ் அரியலூர் மாவட்டத்தில் நகர மற்றும் கிராமப் பகுதிகளில் வசிக்கும் 18 வயது நிறைவடைந்த சுயதொழில் செய்ய விரும்பும் ஆண் மற்றும் பெண்களிடமிருந்து விண்ணப்பங்கள் வரவேற்கப்படுகின்றன.

இத்திட்டத்தில் உற்பத்தி சார்ந்த தொழில் தொடங்க அதிகபட்சமாக ரூ. 25 லட்சம் வரையிலும், சேவை சார்ந்த தொழில்களுக்கு அதிகபட்சமாக ரூ. 10 லட்சம் வரையிலும் வங்கிக் கடன் பெறும் வசதி உள்ளது.

இத்திட்டத்தில் உற்பத்திப் பிரிவில் ரூ.10 லட்சத்துக்கு மேற்பட்ட திட்டங்களுக்கும், சேவை பிரிவின் கீழ் ரூ. 5 லட்சத்துக்கு மேற்பட்ட திட்டங்களுக்கும் குறைந்த பட்சம் 8 ஆம் வகுப்பு தேர்ச்சி பெற்றிருக்க வேண்டும். இத்திட்டம் நகர் மற்றும் கிராமப் பகுதிகளில் மாவட்டத் தொழில் மையம் வாயிலாகவும், கிராமப் பகுதிகளில் கதர் கிராம தொழில்கள் ஆணையம் வாயிலாகவும் செயல்படுத்தப்படுகிறது.

இத்திட்டத்தின் கீழ் பயன்பெற 2014-15 ஆம் நிதியாண்டுக்கு இலக்காக 80 திட்டங்களுக்கு ரூ.178.41 லட்சம் மானியத் தொகை நிர்ணயிக்கப்பட்டுள்ளது. மேலும் இத்திட்டத்தில் 30-9-2015 க்குள் இலக்கை அடைய அறிவுறுத்தப்பட்டுள்ளது.

எனவே ஆர்வமுள்ள தொழில் முனைவோர் அரியலூரில் கல்லூரிச் சாலையில் உள்ள மாவட்ட தொழில் மையத்தை நேரிலோ அல்லது 04329 - 224555, 9443413897 என்ற எண்ணிலோ, கதர் கிராமத் தொழில்கள் வாரியத்தை 044- 28351019, 9443728310, 9677840161 ஆகிய எண்களிலோ தொடர்பு கொள்ளலாம்.

Nandri : www.dinamani.com