கல்லங்குறிச்சி கலியுக வரதராஜப் பெருமாள் திருக்கல்யாணம்

கல்லங்குறிச்சி கலியுக வரதராஜப் பெருமாள் திருக்கல்யாணம்

By அரியலூர்

First Published : 04 April 2015 05:10 AM IST

கல்லங்குறிச்சி கலியுக வரதராஜப் பெருமாள் திருக்கல்யாணம் வெள்ளிக்கிழமை மாலை நடைபெற்றது.

அரியலூர் அருகேயுள்ள கல்லங்குறிச்சியில் பிரசித்தி பெற்ற கலியுக வரதராஜப் பெருமாள் கோயில் உள்ளது. நூற்றாண்டு பழமையான இக்கோயிலின் ஆண்டு திருவிழா மார்ச் 28 ஆம் தேதி கொடியேற்றத்துடன் தொடங்கியது. இதைத் தொடர்ந்து தினமும் பெருமாள் சூரிய வாகனம், வெள்ளி பல்லக்கு, வெள்ளி சிம்ம வாகனம், புன்னை மர வாகனம், வெள்ளி சேஷ வாகனம், வெள்ளி யானை வாகனம் உள்ளிட்ட பல்வேறு வாகனங்களில் எழுந்தருளி பக்தர்களுக்கு காட்சி தந்தார்.விழாவின் முக்கிய நிகழ்ச்சியான திருக்கல்யாணம் வெள்ளிக்கிழமை மாலை நடைபெற்றது.

பூதேவி, ஸ்ரீதேவி தாயாருடன் கலியுக வரதராஜப் பெருமாள் எழுந்தருளினார். பட்டாச்சாரியார்கள் திருக்கல்யாணத்தை நடத்தி வைத்தனர். முன்னதாக பக்தர்கள் பெருமாளுக்கு பழம், இனிப்பு வகைகள், பட்டாடைகள், பூக்கள், உள்ளிட்ட பொருள்களை சீர்வரிசையாக எடுத்து வந்தனர். இதில் அரியலூர், பெரம்பலூர், கடலூர், திருச்சி உள்ளிட்ட மாவட்டங்களில் இருந்து திரளான பக்தர்கள் கலந்துகொண்டு பெருமாளை தரிசித்தனர்.

 

WWW.DINAMANI.COM

 

 

அரியலூர் மாவட்டத்தில் கனிம வளக் கொள்ளை: ஐஏஎஸ் அதிகாரி தலைமையில் விசாரணைக் குழு அமைக்க வேண்டும்: வேல்முருகன் பேட்டி

அரியலூர் மாவட்டத்தில் கனிம வளக் கொள்ளை: ஐஏஎஸ் அதிகாரி தலைமையில் விசாரணைக் குழு அமைக்க வேண்டும்: வேல்முருகன் பேட்டி

By DN, அரியலூர்

First Published : 01 April 2015 02:37 AM IST

அரியலூர் மாவட்டத்தில் நடைபெறும் கனிம வளக் கொள்ளை குறித்து ஆய்வு செய்ய மூத்த ஐஏஎஸ் அதிகாரி தலைமையில் குழு அமைக்க வேண்டும் என்றார் தமிழக வாழ்வுரிமைக் கட்சித் தலைவர் தி. வேல்முருகன்.

செந்துறை அருகேயுள்ள ஆலத்தியூரில் தனியார் சிமென்ட் ஆலைகளைக் கண்டித்து செவ்வாய்க்கிழமை நடைபெற்ற ஆர்ப்பாட்டத்தில் கலந்து கொண்ட அவர் அளித்த பேட்டி:

அரியலூர் மாவட்டத்தில் உள்ள 9 தனியார் சிமென்ட் ஆலைகளால் விளைநிலங்கள், நீர்நிலை புறம்போக்குகள் என 2 ஆயிரம் ஏக்கருக்கு மேல் ஆக்கிரமிக்கப்பட்டுள்ளன. மேலும் அரசு விதிமுறைகளை மீறி கனிம வளங்கள் கொள்ளையடிக்கப்பட்டுள்ளன. மதுரையில் சகாயம் குழு ஆய்வு செய்ததைப் போல, அரியலூர் மாவட்டத்தின் கனிம வளங்கள் கொள்ளை குறித்து ஆய்வு செய்ய மூத்த ஐஏஎஸ் அதிகாரி தலைமையிலான குழுவை தமிழக அரசு அமைக்க வேண்டும்.

சுண்ணாம்பு சுரங்கங்கள் அமைந்துள்ள இடங்களை சுற்றியுள்ள கிராம மக்களுக்கு  குடிநீர், சாலை வசதி, மருத்துவ வசதி உள்ளிட்டவைகளை நிறைவேற்ற வேண்டும். சிமென்ட் ஆலைகளுக்கு நிலம் கொடுத்தவர்களுக்கு ஒரு ஏக்கருக்கு ரூ. 20 லட்சம் இழப்பீட்டுத் தொகை, வீட்டுக்கு ஒருவருக்கு வேலை வழங்க வேண்டும். இந்தக் கோரிக்கைகள் நிறைவேற்றப்படாவிட்டால், சிமென்ட் ஆலைகளுக்கு மூலப் பொருள்களை ஏற்றிச் செல்லும் லாரிகள், சிமென்ட் ஏற்றிச் செல்லும் லாரிகள் சிறைபிடிக்கப்படும் என்றார்.

Nandri :

 

http://www.dinamani.com/edition_trichy/ariyalur/2015/04/01/%E0%AE%85%E0%AE%B0%E0%AE%BF%E0%AE%AF%E0%AE%B2%E0%AF%82%E0%AE%B0%E0%AF%8D-%E0%AE%AE%E0%AE%BE%E0%AE%B5%E0%AE%9F%E0%AF%8D%E0%AE%9F%E0%AE%A4%E0%AF%8D%E0%AE%A4%E0%AE%BF%E0%AE%B2%E0%AF%8D-%E0%AE%95%E0%AE%A9%E0%AE%BF%E0%AE%AE-/article2740907.ece