Know your District : Ariyalur District - Population

Ariyalur District Total population is 7,54,894 as per the 2011 Census.

As per the Census 2011

Ariyalur District Population

Sex      Total

Male 374703

Female 380191

Know your District - Ariyalur District

Ariyalur District consists of Four Taluks viz., Ariyalur, Sendurai, Udayarpalayam and Andimadam (Andimadam Taluk is formed as per G.O.(Ms) No. 167 Revenue(RA1(1)) Department dated : 08-05-2017) comprising of 195 Revenue Villages.

"கட்டுநாடு" பற்றி தெரிந்துகொள்ள ஒரு முயற்சி....

நண்பர்கள் அனைவருக்கும் வணக்கம்.

"கட்டுநாடு" என்பது நம்பகுதி மக்களுக்கு நன்கு தெரிந்த ஒரு வார்த்தை/பெயர். அந்த பெயருக்கு/வார்த்தைக்கு வயதில் முதியவர்களுக்கு சரியான விளக்கம்/காரணம் தெரிந்துருக்கும் என்று நம்புகிறேன். ஆனால் புதியவர்களில் எத்தனை பேருக்கு தெரியும்? 

"செட்டிநாடு" என்ற வார்த்தையை போல இதுவும் வந்துருக்கும் என்று கூறலாம். ஆனால் இன்று "செட்டிநாடு" என்று சொன்னால் தமிழ் பேசும் மக்களில் அதிகபடியானவர்களுக்கு  அந்த வார்த்தைக்குறிய குறைந்தபட்ச தகவலாவது  தெரியும். நீங்கள் இணையத்தில் "செட்டிநாடு" என்று தட்டச்சு செய்து பாருங்கள் உங்களுக்கு தேவையான அனைத்து தகவல்களும் கிடைக்கும். ஆனால் "கட்டுநாடு" என்று தட்டச்சு செய்து தேடினால் இரண்டு தினமலர்/தினமணி இணைப்பும் மற்றும் நமது வலைதளத்தில் உள்ள தகவல்தான் கிடைக்கும் வேறு எந்த ஒரு தகவலும் கிடைக்காது.

அதனால் "கட்டுநாடு" என்ற வார்த்தை எப்போது முதல் பயன்பாட்டில் உள்ளது? அது எத்தனை ஊர்களை உள்ளடக்கியது? அப்படி அழைக்க காரணம் என்ன? அந்த பகுதிக்கு என்று எதாவது தனித்தன்மை இருக்கா? போன்ற ஏகப்பட்ட கேள்விகளுக்கு பதில்தேடி  எழுதுவது தான் இந்த பதிவு.... 

நண்பர்கள் தங்களுக்கு தெரிந்த தகவலை ஷேர் பண்ணுங்க.... எல்லாவற்றையும் சேர்த்து ஒரு கட்டுரையாக எழுதி இணைத்தில் போடுவோம், நமக்கு பிறகு வரும் சந்ததியாவது படித்து தெரிந்துகொள்ளட்டும்....

தொடர்புக்கு :

இணையதளம்      : www.alanduraiyarkattalai.com

மின்னஞ்சல்          : alanthuraiyarkattalai@gmail.com

பேஸ்புக்                 : https://www.facebook.com/alanthuraiyarkattalai

கூகிள் பிளஸ்      : http://www.google.com/+alanthuraiyarkattalai

அன்புடன் 

www.alanduraiyarkattalai.com

ARIYALUR GOVT ITI PHOTOS - அரியலூர் அரசினர் தொழிற்பயிற்சி பள்ளி புகைப்படங்கள்

Thanks : Mr. Elangovan, Trichy

வல்லகுளம் கோவில் மஹா கும்பாபிசேகம் புகைப்படங்கள்

நமது கிராமத்தின் வாக்காளர் பட்டியல்

நமது கிராமத்தின் வாக்காளர் பட்டியல் . இதில் யாருக்கு ஓட்டு இருக்கு யாருக்கு ஓட்டு இல்லை என்று பார்த்துகொள்ளவும். எனக்கு ஓட்டு இல்லை. வாக்காளர் பட்டியல் பதிவிறக்கம் செய்ய இங்கே அழுத்தவும் ac149100

நமது பஞ்சாயத்தின் மக்கள் தொகை அரசாங்கத்தின் கணக்குப்படி

கடந்த வாரம் இணையத்தில் தேடிக்கொண்டு இருந்த வேளையில் நமது பஞ்சாயத்தின் மக்கள் தொகை பற்றிய அறிக்கை கிராமங்கள் வாரியாக கிடைத்தது. அறிக்கையை பார்த்த உடன் சிரிப்புதான் வந்தது. நீங்களும் அந்த அறிக்கையை பார்த்தல் ரொம்ப சந்தோசப்பட்டு நீங்களும் சிரிப்பிங்க. நமக்கு தெரியாமலே நமது பஞ்சாயத்தில் உள்ள ஊரில் இத்தனை நபர்கள் இருக்குகிரர்களா! என்று.

குறிப்பு : எல்லாம் போகட்டும் நமக்கு யாருக்குமே தெரியாமல் எப்படி சிறுத்தொண்டன் காணியில் 310 வந்தார்கள். யாரவது தெரிந்தால் சொல்லுங்கப்பா.
ALANDURAIYAR KATTALAI

இந்த 330 பேரு வாழ்ந்து வருகின்ற கிராமத்தை wikimapia வில் பருங்களே.

http://wikimapia.org/#lat=11.036697&lon=79.1834021&z=17&l=0&m=b&show=/15812370/Siruthondankani-Village

ஆலந்துறையார் கட்டளை பஞ்சாயத்தில் இருக்கும் பனங்கூர் கிராமத்திற்கு தனி வலைப்பதிவு

அன்பு கிராம உறவுகளுக்கு,

வணக்கம்.

நமது பஞ்சாயத்தில் இருக்கும் பனங்கூர் கிராமத்திற்கு என்று தனி வலைப்பதிவு ஒன்றை நமது சொந்தம் காந்தி. கோ. அவர்கள் ஆரம்பித்துள்ளார். வலைப்பதிவு மிகவும் அருமையாக உள்ளது. உறவுகள் நேரம் இருந்தால் சென்று பாருங்கள்.

நண்பர் கோவிந்தராசு மகன் காந்தி, தொழில் நுட்ப துறையில் வேதியியல் பாடப் பிரிவு பயின்றுள்ளார். தற்பொழுது சிங்கப்பூர் நிறுவனம் ஒன்றில் வேலை பார்த்துக்கொண்டு இருக்கின்றார்.

அன்புடன்

கிராம நண்பர்கள்

திருச்சிவாழைக்குழி கிராமத்தில் பகுதி நேர அங்காடித் திறப்பு

அரியலூர், நவ. 15: அரியலூர் மாவட்டம், ஆலந்துறையார் கட்டளை ஊராட்சி, வாழைக்குழி கிராமத்தில் பகுதிநேர அங்காடி திறப்பு விழா ஞாயிற்றுக்கிழமை நடைபெற்றது.

இந்த விழாவுக்கு தலைமை வகித்து, அங்காடியைத் திறந்துவைத்து மாவட்ட ஆட்சியர் தி.க. பொன்னுசாமி பேசியது:

அரியலூர் மாவட்டத்தில் இயங்கி வரும் 411 நியாய விலைக் கடைகள் மூலம் 2.10 லட்சம் குடும்ப அட்டைதாரர்கள் பயன் பெற்று வருகின்றனர். இந்தப் பகுதியில் வசித்து வரும் மக்கள் சுமார் 2 கி.மீ. தொலைவில் உள்ள ஆலந்துறையார் கட்டளை அங்காடிக்குச் சென்று பொருள்களை வாங்கி வர வேண்டி இருந்து வந்தது.

தற்போது, வாழைக்குழி கிராமத்தில் பகுதி நேர அங்காடி திறக்கப்பட்டதன் மூலம் இந்தப் பகுதி மக்கள் வாரத்தில் புதன், வியாழக்கிழமைகளில் பொருள்களை இங்கு பெற்றுக் கொள்ளலாம்.

அனைத்து நியாய விலைக் கடைகளிலும், அத்தியாவசியப் பொருள்களைத் தயாராக வைத்திருக்க வேண்டும். அங்காடிக்கு வந்து சேரும் பொருள்களில் காலதாமதம் ஏற்பட்டால் மறுநாள் வாங்கிச் செல்ல வேண்டும்.

மக்களுக்காக அரசு பல்வேறு நலத் திட்டங்களைச் செய்து வருகிறது. அரசு வழங்கும் நலத் திட்ட உதவிகளைப் பெற்று மக்கள் பயன் பெற வேண்டும் என்றார் பொன்னுசாமி.

விழாவுக்கு, அரியலூர் சட்டப்பேரவை உறுப்பினர் பாளை து. அமரமூர்த்தி முன்னிலை வகித்தார்.

இதில் மாவட்ட வருவாய் அலுவலர் ரெ. பிச்சை, திருமானூர் ஒன்றியக் குழுத் தலைவர் எஸ்.ஆர்.எம். குமார், ஊராட்சித் துணைத் தலைவர் வெ. குணசேகரன், மாவட்ட ஊராட்சிக் குழு உறுப்பினர் த. அறிவழகன், மண்டல இணைப் பதிவாளர் ஆர். ராமமூர்த்தி, மாவட்ட வழங்கல் அலுவலர் சிவராசு, அரியலூர் வட்டாட்சியர் கோவிந்தராஜுலு உள்ளிட்டோர் கலந்து கொண்டனர்

பனங்கூர் கிராமத்தில் பகுதிநேர ரேஷன்கடை திறப்பு விழா

அரியலூர்: அரியலூர் மாவட்டம், சுண்டக்குடி அருகே ஆலந்துறையார் கட்டளை பஞ்சாயத்துக்கு உட்பட்ட உள்ள பனங்கூர் கிராமத்தில் அமைக்கப்பட்ட பகுதிநேர ரேஷன்கடை திறப்பு விழா நடந்தது.ஆலந்துறையார் கட்டளை பஞ்சாயத்து தலைவர் சுப்ரமணியன் வரவேற்றார்.

அரியலூர் சட்டசபை தொகுதி இளைஞர் காங்கிரஸ் தலைவர் சுப்ரமணியன் முன்னிலை வகித்தார்.நிகழ்ச்சிக்கு தலைமை வகித்து, ரேஷன்கடையை திறந்துவைத்து, அரியலூர் எம்.எல்.ஏ., பாளை அமரமூர்த்தி பேசியதாவது:இன்றைய காலகட்டத்தில் ரேஷன் பொருட்கள் மக்களின் அத்தியாவசிய தேவைகளில் முதலிடம் வகிப்பதாக உள்ளது. எனவே, அரசின் விதிகளை தளர்த்தி இந்த பனங்கூர் கிராமத்தில் பகுதி நேர ரேஷன்கடை ஏற்படுத்தப்பட்டுள்ளது.வாழைக்குழி, நானாங்கூர், நெருஞ்சிக்கோரை ஆகிய ஊர்களிலும் திருமானூர் காந்தி நகர் பகுதியிலும் பகுதி நேர ரேஷன்கடைகள் திறக்கப்படும்.

பனங்கூர் ரேஷன்கடையானது வாரம் ஒருநாள் வியாழக்கிழமையன்று இயங்கும். கூடுதல் பணியாளர் நியமிக்கப்பட்ட பிறகு, வாரம் இரண்டு நாள் இயங்க உத்தரவிடப்படும். பொதுமக்கள் இதை பயன்படுத்தி வளமாக வாழ வேண்டும்.

சுண்டக்குடி பகுதிக்கு அரியலூரிலிருந்து கூடுதல் பஸ்வசதி ஏற்படுத்த நடவடிக்கை மேற்கொள்ளப்படும். இந்த பகுதியில் ஏற்பட்டுள்ள நல்ல முன்னேற்றம் தொடர, பொதுமக்கள் ஒத்துழைப்பு வழங்கிட வேண்டும்.இவ்வாறு அவர் பேசினார்.சிதம்பரம் லோக்சபா தொகுதி இளைஞர் காங்கிரஸ் தலைவர் சுப சுந்தரசோழன், கதிர்வேல் மைன்ஸ் கணேசன், ஆர்.ஐ., லெனின் சசிக்குமார், வி.ஏ.ஓ., முருகேசன், ஒன்றிய கவுன்சிலர் சுரேஷ், பஞ்சாயத்து துணை தலைவர் குணசேகரன், காங்கிரஸ் வட்டார தலைவர் சௌந்தர்ராஜன், மதிவாணன் உள்ளிட்ட பலர் பங்கேற்றனர்.ஓட்டக்கோவில் தொடக்க வேளாண் கூட்டுறவு வங்கி செயலாளர் முருகேசன் நன்றி கூறினார்.

இல்லற இன்பம்

ஒரு முறை கபீர்தாசரிடம் அவருடைய பக்த்தர் அறிவுரை கேட்க்க வந்திருந்தார். அவர் தயங்கித் தயங்கி கபீர்தாசரிடம், “எனக்கு இல்லற வாழ்க்கை இன்பமாக இல்லை! என்னுடைய மனைவியும் நானும் இன்பமாக குடும்பம் நடத்தவில்லை! எப்பொழுதும் சண்டைதான்! நான் என்ன சொன்னாலும் அவள் கேட்பதில்லை!எதிர்த்துப் பேசறா… எரிஞ்சு விழறா… கோபப்படறா… எனக்கு என்ன செய்வது என்று தெரியவில்லை என்றார்”.

கபீர்தாசர் பார்த்தார். “சரி இன்னும் கொஞ்ச நேரம் இங்கேயே இருங்கள்?”, யோசனை செய்து பதில் சொல்கிறேன்! என்று சொல்லிவிட்டு, ஒரு பெரிய நூல் கண்டை எடுத்துக் கொண்டுவந்து வீட்டிற்கு வெளியே வெளிச்சத்தில் உட்கார்ந்தார். அந்த பெரிய நூல்கண்டு சிக்கலாயிருந்தது. அதனால் கபீர்தாசர் அதில் உள்ள சிக்கல்களை ஒவ்வொன்றாக பிரித்தெடுத்தார். நல்ல வெளிச்சமாகத்தான் இருந்தது. மனைவியிடம் விளக்கை எடுத்துக் கொண்டுவா என்றார். அந்த அம்மாவும் ஒரு விளக்கை எடுத்துக் கொண்டுவந்து அவர் பக்கத்திலே வைத்துவிட்டு உள்ளே போய்விட்டார்கள். “இவ்வளவு வெளிச்சத்தில் விளக்கு எதற்கு என்று எதுவும் கேட்க்கவில்லை”.

சிறிது நேரம் கழித்து அந்த அம்மா இரண்டு டம்ளர் பாலைக் கொண்டுவந்து அவர்கள் முன்னால் வைத்தார்கள். இரண்டு பேரும் அதை எடுத்துக் குடிக்க ஆரம்பித்தார்கள். வந்திருந்தவரின் முகம் சுருங்க ஆரம்பித்தது… பாலை அவரால் குடிக்க முடியவில்லை. ஏனெனில், அந்த அம்மா பாலில் சர்க்கரைக்குப் பதிலாக, உப்பைப் போட்டு இருந்தார்கள். வந்தவர், கபீர்தாசர் முகத்தைக் கவனித்தார். அவர் முகத்திலே எந்த வித்தியாசமும் இல்லை. அவர் அதை அப்படியே குடித்துவிட்டார். அந்த அம்மா, “பாலுக்குச் சர்க்கரை போதுமா?” என்று கேட்க்கிறார்கள்! அதற்கு கபீர்தாசர், “போதும்! இனிப்பு சரியாக இருக்கிறது!” என்கிறார்.

இதையெல்லாம் பார்த்துக் கொண்டு எதிரில் இருந்தவர், “இன்னும் என்னுடைய கேள்விக்கு பதில் சொல்லவில்லையே!” என்று கபீர்தாசரைப் பார்த்து விளவினார். அதற்கு கபீர்தாசர், “நான் இப்பொழுது என் மனைவிக்கு என்ன பதில் சொன்னனோ அதுதான் உங்கள் கேள்விக்கும் பதில் என்றார்”. யஜீர் வேதம் என்ன சொல்கிறது தெரியுமா? “எந்தக் குடும்பத்திலே கணவனும் மனைவியும் ஒருத்தர் குற்றத்தை இன்னொருத்தர் பார்க்காமல் இருக்கிறார்களோ அந்தக் குடும்பம் பூலோக கைலாசம்” என்றார்.

இதிலிருந்து நாம் தெரிந்து கொள்ள வேண்டியது என்னவென்றால், கபீர் வெளிச்சத்தில் உட்கார்ந்து கொண்டு விளக்கை கேட்டபோது, அவர் மனைவி ஏதும் கேட்க்காமல் விளக்கைக் கொண்டு வந்து வைத்தார். கபீரின் மனைவி பாலில் சர்க்கரைக்குப் பதிலாக உப்பைப் போட்டிருந்த போதும், கபீர் ஏதும் கூறாமல் அதைக் குடித்தார். இதுவே இல்லற இன்பம்.

கபிலர்… நானும் என் மனைவியும் குடும்பத்திலே ஒருவரை ஒருவர் ரொம்ப “விட்டுக் கொடுத்து” நடந்து கொள்வோம். அதனால் எங்களுக்குள் மனஸ்தாபம் வருவதே இல்லை.

“இதுவே இல்லற இன்பம்”

எங்கள் கிராமத்தின் கடைவீதி

எங்கள் கிராமத்தின் உள்ள பொது கட்டிடங்கள் புகைப்படம்

எங்கள் கிராமத்தில் உள்ள பொது நியாய விலைக்கடை கட்டிடம்:

எங்கள் கிராமத்தில் உள்ள ஊராட்சி மன்றம் கட்டிடம்:

எங்கள் கிராமத்தில் உள்ள நிர்வாக அலுவலகர் கட்டிடம்

எங்கள் கிராமத்தின் தொடக்க பள்ளி கட்டிடம்

எங்கள் கிராமத்தில் உள்ள ஆலமரத்தின் புகைப்படம்

கடந்த வாரம் எனது கிராமத்தில் உள்ள ஆலமரத்தின் புகைப்படம் கிடைக்கபெற்றேன். புகைப்படம் கைப்பேசியில் உள்ள புகைப்பட கருவியில் எடுத்ததால் நன்றாக வரவில்லை இருந்தாலும் கிடைத்த புகைப்படம் உங்கள் பார்வைக்கு.

வரும் ஜூன் மதம் விடுமுறைக்கு செல்லும் பொழுது நல்ல புகைப்படம் எடுத்து வருகிறேன்.

எங்கள் கிராமத்திற்கு எப்படி வந்தது இந்த பெயர்?

எப்படி வந்தது நம் கிராமத்திற்கு இந்த பெயர்? இப்படி நான் பல ஆண்டுகளாக நினைத்து பார்த்தது உண்டு. அந்த கேள்வியை சிலரிடம் கேட்பதும் உண்டு. ஆனால் எனக்கு சரியான பதில் கிடைக்கவில்லை. அதற்க்கு காரணம் எங்கள் கிராமத்தின் வரலாறுகளை சரியாக தெரிந்தவர்கள் இப்பொழுது யாரும் இல்லை என்பது தான்.

சில முதியவர்கள் எங்கள் கிராமத்தின் வரலாறுகளையும் பண்டைய புராண கதைகளையும் எங்களுக்கு சொல்லுவார்கள். ஆனால் நாங்கள் அந்த சின்ன வயதில் அதை எல்லாம் காது கொடுத்து கேட்டதாக எனக்கு நினைவில் இல்லை. அவர்களை கிண்டல் செய்வதும் கேலி செய்வதுமே வேலையாக இருந்தோம்.

ஆனால் இன்று நினைத்து பார்க்கையில் வெறுமைதான் கண்ணுக்கு தெரிகிறது. காரணம் இன்று யாராவது நண்பர்கள் "என்ன விசேசம் உங்கள் கிராமத்தில்" என்று கேட்டல் சொல்லுவதற்கு கூட ஒரு நாலு வார்த்தை என்னிடம் இல்லை. அதனால் தெரிந்த ஒரு சில செய்திகளையாவது பதிவு செய்யவேண்டும் என்று முடிவு செய்துதான் இந்த பதிவை எழுதுகிறேன்.

"ஆலந்துறையார் கட்டளை" எங்கள் கிராமத்தின் பெயர். இப்பொழுதுதான் எல்லோரும் ஆலந்துறையார் கட்டளை என்று சொல்லுகிறார்கள். ஆனால் நான் சின்ன பிள்ளையாக இருந்தபொழுது அரசாங்க பதிவேடுகளில் தான் இந்த பெயரை பாக்கமுடியும். மற்றபடி எல்லோரும் வாடா புதுப்பாளையத்தான் என்றுதான் அழைப்பார்கள். காரணம் எங்கள் கிராமத்திற்கு "புதுபாளையம்" என்ற வேறு ஒரு பெயரும் உண்டு. இன்றும் சில இடங்களில் நீங்கள் "ஆலந்துறையார் கட்டளை" என்று சொன்னால் அவர்களுக்கு தெரியாது. அரசாங்க பதிவேடுகள் எல்லாவற்றிலும் ஆலந்துறையார் கட்டளை என்ற பெயர்தான் உள்ளது.

எங்கள் ஊரில் இருந்து 17 கிலோமீட்டர் தொலைவில் உள்ள "ஆலந்துறையார்(வடமூலநாதர்)" என்ற திருத்தலம் உள்ளது. அங்கு உள்ள தெய்வம் எங்கள் கிராமத்திற்கு அதன் பெயரை வைக்கசொல்லி கட்டளை இட்டதாகவும் அதன் கட்டளையை ஏற்று எங்கள் கிராமத்திற்கு அதன் பெயரை வைத்ததாகவும் சொல்லுவார்கள். ஆனால் எப்பொழுது முதல் இந்த பெயர் வந்தது, இதற்க்கு எதாவது ஆதாரம் உண்டா, இது உன்னமைதான நீருப்பிக்க முடியுமா இல்லை என்றுதான் சொல்லவேண்டும்.

ஆலந்துறையார்(வடமூலநாதர்) கோவிலை பற்றிய மேல் அதிக தகவல்களை கீழே கொடுத்துஉள்ளேன் பாருங்கள்.

மூலவர் : ஆலந்துறையார்(வடமூலநாதர்)\
உற்சவர் : -
அம்மன்/தாயார் : அருந்தவ நாயகி
தல விருட்சம் : ஆலமரம்
தீர்த்தம் : பிரம, பரசுராம தீர்த்தம்
ஆகமம்/பூஜை : சிவாகமம்
பழமை : 1000-2000 வருடங்களுக்கு முன்
புராண பெயர் : திருப்பழுவூர்
ஊர் : கீழப்பழுவூர்
மாவட்டம் : அரியலூர்
மாநிலம் : தமிழ்நாடு

பாடியவர்கள்:

திருஞான சம்பந்தர்

தேவாரப்பதிகம்

கோடலொடு கோங்கவை குலாவுமுடி தன்மேல்
ஆடரவம் வைத்தபெரு மான்திடம் என்பர்
மாடமலி சூளிகை யிலேறி மடவார்கள்
பாடலொலி செய்ய மலிகின்ற பழுவூரே.

திருஞானசம்பந்தர்

தேவாரப்பாடல் பெற்ற காவிரி வடகரைத்தலங்களில் இது 55வது தலம்


திருவிழா:

பங்குனி உத்திரம்

தல சிறப்பு:

இத்தல சிவனுக்கு சாம்பிராணித்தைலம் பூசப்படுகிறது. லிங்கம் மிகச்சிறியது என்பதால் அடையாளம் காட்ட, அதன் மீது ஒரு குவளை கவிழ்த்தப்பட்டிருக்கிறது. இந்த குவளைக்கே அபிஷேகம் நடக்கும். பரசுராமர் தன் தாய் ரேணுகா தேவியை கொன்ற பாவம் நீங்க வழிபட்ட தலமாக இது கருதப்படுகிறது. அவர் உருவாக்கிய குளம் "பரசுராம தீர்த்தம்' எனப்படுகிறது. சில சிவன் கோயில்களில் மூலவர் சன்னதியின் நுழைவு வாயிலின் மேற்பகுதியில், கஜலட்சுமி சிற்பம் அமைத்திருப்பார்கள். ஆனால், இத்தலத்தில் பரசுராமர் சயனத்தில் இருப்பதைக் காணலாம். விநாயகர் நடனம் ஆடும் கோலமும், சண்டிகேஸ்வரரின் பஞ்சலோக சிலையும் வித்தியாசமானவை. பங்குனி 18ல், சூரியன் தன் கதிர்களால் இத்தல இறைவனை வழிபாடு செய்கிறான். திருஞானசம்பந்தரின் தேவாரப்பாடல் பெற்ற தலம். வள்ளலார் விண்ணப்பக்கவி வெண்பாவில்,"நற்கருணை வாய்க்கும் பழுவூர் மரகதமே' என்று சிவனையும், அருணகிரி நாதர் திருப்புகழில் இத்தல முருகனையும் புகழ்ந்து பாடியுள்ளனர்.

திறக்கும் நேரம்:

காலை 6 மணி முதல் 12 மணி வரை, மாலை 4.30 மணி முதல் இரவு 8.30 மணி வரை திறந்திருக்கும்

முகவரி:

அருள்மிகு ஆலந்துறையார் (வடமூலநாதர்) திருக்கோயில், கீழப்பழுவூர் அஞ்சல்-621 707 அரியலூர் மாவட்டம்.

பொது தகவல்:

முதலாம் பராந்தக சோழன் காலத்தில் இங்கு திருப்பணி நடந்துள்ளது. கிழக்கு நோக்கிய 5 நிலை ராஜகோபுரத்துடன், இரண்டு பிரகாரங்கள் உள்ளன.

உள் பிரகாரத்தில் கமல கணபதி, முருகன், பஞ்சபூதலிங்கங்கள், மகாலட்சுமி, லிங்கோத்பவர், அறுபத்து மூவர், சிவ துர்க்கை, சப்த கன்னியர் சன்னதிகள் உள்ளன.

பிரார்த்தனை

பிரம்மஹத்தி தோஷம் நீங்கவும், பிரிந்த தம்பதியினர் ஒன்று சேரவும் இங்கு வழிபாடு செய்யப்படுகிறது.

நேர்த்திக்கடன்:

இங்குள்ள பரசுராம தீர்த்தத்தில் நீராடி, சிவனுக்கு அபிஷேகம் செய்து வணங்குதல்.

தலபெருமை:

"பழு' என்றால் ஆலமரம். எனவே சுவாமி "ஆலந்துறையார்' எனப்படுகிறார்.

தல விருட்சமான ஆலமரம் இப்பகுதியில் அதிகமாதலால் "திருப்பழுவூர்' என பெயர் பெற்றது.

தல வரலாறு:

கயிலாயத்தில் அன்னை பார்வதி விளையாட்டாக சிவனின் கண்ணை பொத்தியதால், சிவனின் இரு கண்களாக விளங்கும் சூரிய, சந்திரரின் ஒளி இல்லாமல் போனது. இதனால் உலக இயக்கம் நின்றது. முனிவர்களும் தேவர்களும் கலங்கி நின்றனர். அப்போது சிவபெருமான் தனது தேவியிடம், ""விளையாட்டாக தவறு செய்தாலும் மற்றவர்களுக்கு அது பாதிப்பை ஏற்படுத்துமானால், அது பாவமே ஆகும். இந்த பாவத்திற்கு பிராயச்சித்தமாக, நீ என்னைப் பிரிந்து பூலோகம் செல். அங்கு பல தலங்களில் தவம் செய்து இறுதியாக அங்குள்ள யோகவனத்தில் தங்கியிரு. நான் அங்கு வந்து உன்னுடன் சேர்வேன்,'' என்றார்.

அதன்படி பார்வதி தவத்தை முடித்து விட்டு, யோகவனத்தில் புற்று மண்ணால் சிவலிங்கம் அமைத்து, ஒற்றைக்காலில் நின்று தவம் செய்தாள். இறைவனும் அவளுடன் இணைந்தார். அந்த யோகவனமே இன்றைய பழுவூராகும். தவம் செய்த அம்பிகை என்பதால் அம்பாள் "அருந்தவநாயகி' எனப்படுகிறாள்.

சிறப்பம்சம்:

அதிசயத்தின் அடிப்படையில்: இங்கு சிவன் சுயம்பு மூர்த்தியாக அருள்பாலிக்கிறார் பங்குனி 18ல், சூரியன் தன் கதிர்களால் இத்தல இறைவனை வழிபாடு செய்கிறான்.

அரியலூரில் விஜயகாந்த் ஆர்ப்பாட்டம்

அரியலூரில் வருகின்ற 7ஆம் தேதி நமது மாவட்டம் அரியலூரில் உள்ள சிமெண்ட் தொழிற்சாலைகளில் அதற்க்கு நிலம் கொடுத்தவர்களுக்கு வேலை வாய்ப்பில் முக்கியத்துவம் கொடுக்க வேண்டும் என்று போராட்ட்டம் நடத்த உள்ளார்.

பொங்கல் விளையாட்டு: நாளை இறுதிப்போட்டி

பொங்கல் விளையாட்டு: நாளை இறுதிப்போட்டி

ஜனவரி 16,2010,00:00 IST

அரியலூர்:பொங்கல் போட்டிகளின் இறுதிப் போட்டி நாளை (17ம் தேதி) நடக்கிறது.அரியலூர் ஊராட்சி ஒன்றியத்தில் அனைத்து கிராம அண்ணா மறுமலர்ச்சி திட்டம் செயல்படுத்தப்பட்ட ஊராட்சிகளான ஆலந்துறையார் கட்டளை, மேலக்கருப்பூர், கடுகூர், காவலூர், வெங்கடகிருஷ்ணாபுரம், சுண்டக்குடி, உட்பட பல ஊராட்சிகளில் பொங்கல் விளையாட்டுப் போட்டிகள் நடந்தது.நீளம் தாண்டுதல், உயரம் தாண்டுதல் ஆகிய போட்டிகளில் ஜூனியர் மற்றும் சீனியர் ஆண்கள் பெண்கள் இருவரும் சதுரங்கம், கேரம், நூறு மீட்டர் ஓட்டப் பந்தயங்களில் சப்-ஜூனியர், ஜூனியர், சீனியர் ஆண்கள், பெண்கள் இருபாலரும் கைப்பந்து போட்டியில் சீனியர் ஆண்களும், டென்னிகாய்ட் போட்டியில் ஜூனியர் மகளிரும் கலந்து கொண்டனர். இறுதிப் போட்டி நாளை( 17ம்தேதி) நடக்கிறது.

Nandri: www.dinamalar.com
http://www.dinamalar.com/Tnspl_districtdetail.asp?news_id=290199&ncat=Ariyalur

சிறப்பு மனுநீதி நாள் முகாம் நிறைவு

சிறப்பு மனுநீதி நாள் முகாம் நிறைவு

First Published : 04 Jun 2009 11:57:47 AM IST

அரியலூர், ஜூன் 3: அரியலூர் ஒன்றியத்தைச் சேர்ந்த ஆலந்துறையார் கட்டளை கிராமத்தில் சிறப்பு மனுநீதிநாள் முகாம் நிறைவு விழா மாவட்ட ஆட்சியர் அனில்மேஷ்ராம் தலைமையில் புதன்கிழமை நடைபெற்றது.

விழாவில் திட்ட அலுவலர் எஸ்.வெங்கடாசலம், கிராமத்தில் ஊராட்சியின் மூலம் சாலை மேம்பாட்டு பணிகள், ஊரக கட்டமைப்புப் பணிகள், தேசிய ஊரக வேலை உறுதியளிப்பு திட்டத்தின் கீழ் செய்யப்படும் பணிகள் குறித்துப் பேசினார்.

விழாவில் ரூ 1.63 லட்சத்தில் 22 நபர்களுக்கு பட்டா மாற்றம், இந்திராகாந்தி முதியோர் உதவித் தொகை ஆணை 22 பேருக்கு, ஊனமுற்றோர்க்கான உதவித் தொகை 2 பேருக்கு உள்ளிட்ட 63 பயனாளிகளுக்கு பல்வேறு நலத்திட்ட உதவிகளை மாவட்ட ஆட்சியர் அனில்மேஷ்ராம் வழங்கினார்.

விழாவில் பிற்பட்டோர் நல அலுவலர் கே. சீனிவாசன், மகளிர் திட்ட அலுவலர் எஸ். வசந்தா, கோட்டாட்சியர் ஆர். சுதர்சனம், வட்டாட்சியர் எம். எட்டியப்பன், சமூக நலத் துறை வட்டாட்சியர் கே. காசி, ஆதிதிராவிடர் நலத் துறை தனி வட்டாட்சியர் எம். மகேஸ்வரன் உள்ளிட்டோர் பேசினர்.

Nandri : www.dinamani.com
http://www.dinamani.com/edition/story.aspx?&SectionName=Edition-Trichy&artid=69168&SectionID=138&MainSectionID=138&SEO=&Title=

அன்பு கிராம நண்பர்களுக்கு

அன்பு கிராம நண்பர்களுக்கு

நமது ஊருக்காக இந்த வலைப்பதிவை ஆரம்பித்து உள்ளோம். நமது கிராம உறவுகள் தங்களை பற்றிய விபரங்களை இந்த வலைபதிவில் தெரியபடுத்தலாம். நமது கிராமத்தை பற்றிய புகைப்படங்களையும் அனுப்பி வைத்தால் நமது வலைத்தளத்தில் பதிவிடுகிறோம்.

நீங்கள் தொடர்பு கொள்ள

மெயில் முகவரி alanthuraiyarkattalai@gmail.com

அன்புடன்
ரத்தினம் பத்மநாபன்

எங்கள் கிராமத்தை www.wikimapia.org வலைத்தளத்தில் பார்க்க